“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində Usta yanında şagirdlik təcrübə proqramı həyata keçirilir.
By innoadm
“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində gənclərin peşə bacarıqlarının inkişafı və əmək bazarına inteqrasiyanın dəstəklənməsi məqsədilə Usta yanında şagirdlik əsaslı təcrübə proqramı həyata keçirilir.
Proqrama Bakı, Gəncə, Ağdam və Qəbələ bölgələrindəki Peşə Təhsil Mərkəzləri cəlb edilmişdir. Hazırda isə 9 müxtəlif ixtisas üzrə Ağdam city hotel, Deluxe Hotel, Provitaz MMC, Bazarstore MMC, Tofiqoğlu bal və digər aparıcı işəgötürənlərlə əməkdaşlıq qurularaq təcrübə imkanları yaradılmışdır.
Təcrübə prosesi müdavimlərə biliklərini dərinləşdirməklə yanaşı, həm də öyrəndiklərini iş mühitində tətbiq etmə və real peşə fəaliyyətinə uyğunlaşma fürsəti verir.
Təcrübə başlamazdan öncə müdavimlər sığortalanmış, iş prosesində isə onları müşayiət etmək, bilik və bacarıqların ötürülməsini təmin etmək üçün təcrübəli mentorlar ayrılmışdır.
Təcrübə müddətini tamamlayan müdavimlərə isə sonda işəgötürən müəssisə tərəfindən sertifikat təqdim edilir.
İNNOVETA təhsil və təlim, məşğulluq və sosial sahələrdə ixtisaslaşmış dinamik və sürətlə inkişaf edən peşəkar konsaltinq şirkətidir.
Keçidlər
İNNOVETA 2022. Bütün hüquqlar qorunur.