“Bacarıqlı Ol” Usta yanında şagirdlik layihəsi çərçivəsində Qəbələ Dövlət Peşə Təhsil Mərkəzində regional dəyirmi masa təşkil edilmişdir.
By innoadm
1 may 2024-cü il tarixində “Bacarıqlı Ol” Usta yanında şagirdlik layihəsi çərçivəsində Qəbələ Dövlət Peşə Təhsil Mərkəzində regional dəyirmi masa təşkil edilmişdir.
Dəyirmi masanın məqsədi regional səviyyədə dual peşə təhsili proqramın gedişatının öyrənilməsi, mövcud çətinliklərin, imkanların müzakirəsi, rəy və təkliflərin alınması idi.
Görüş qrup müzakirəsi formatında aparılmışdır. Qrup üzvləri dual peşə təhsilində mühüm hesab olunan məsələlərə toxunub, müəyyən suallar ətrafında müzakirə və fikir mübadiləsi aparmış, daha sonra qrup işlərinin təqdimatı edilmiş və nəticələrin müzakirəsi ilə görüş yekunlaşmışdır.
Qeyd edək ki, layihə Azərbaycan Respublikası Elm və Təhsil Nazirliyi tərəfindən maliyyələşdirilir və Peşə Təhsili üzrə Dövlət Agentliyinin dəstəyi ilə həyata keçirilir.
İNNOVETA təhsil və təlim, məşğulluq və sosial sahələrdə ixtisaslaşmış dinamik və sürətlə inkişaf edən peşəkar konsaltinq şirkətidir.
Keçidlər
İNNOVETA 2022. Bütün hüquqlar qorunur.