“Kompüter sistemlərində proqramlaşdırma” və “Kibertəhlükəsizlik”ixtisasları üzrə sahə ekspertləri ilə görüş keçirilib.

14 fevral 2023-cü il tarixində peşə təhsil müəssisələri və işəgötürənlərlə yüksək texniki peşə təhsili istiqamətində “Kompüter sistemlərində proqramlaşdırma” və “Kibertəhlükəsizlik” ixtisasları üzrə kurikulumun müzakirəsi üçün dəyirmi masa təşkil edilib. Tədbirdə Peşə Təhsili üzrə Dövlət Agentliyi, Step IT Acadamy, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Sənayə və İnnovasiyalar üzrə Bakı Dövlət Peşə Təhsil Mərkəzi, Caspian Design Acadamy, İcbari Tibbi Siğorta üzrə Dövlət Agentliyi, Expressbank ASC və müxtəlif Universitetlərin müəllimləri, həmçinin peşə təhsil müəssisələrinin təhsilverənləri  və sahə ekspertləri iştirak ediblər. Tədbir zamanı yüksək texniki peşə təhsili haqqında məlumat verilib, fəaliyyət planı, təhsil proqramının strukturu, qəbul planı və modulların hazırlanması ilə bağlı təlimat iştirakçılara təqdim edilib. Həmçinin müxtəlif qrup işləri vasitəsilə işəgötürənlərin rəy və təklifləri müzakirə olunub.