“Turizm sahəsində Dual Təhsil Proqramı” üzrə təhsil alan tələbələrin uğuru.

İyul ayında Bakı və Qəbələ Dövlət Peşə Təhsil Mərkəzində Turizm sahəsində Dual Təhsil Proqramı üzrə təhsil alan “Aşpaz” və “Turizm sahəsində iaşə üzrə mütəxəssis” ixtisasları üzrə tələbələrin yekun qiymətləndirilməsi həyata keçirilib. Proqramda təhsil alan 54 tələbə təcrübə keçdikləri Fairmont Baku Flame Towers, JW Marriott Absheron Baku, Baku Marriott Hotel Boulevard, Hilton Baku, Courtyard by Marriott Baku, The Merchant Baku hotellərində və “Gabala Hospitality Group”un hotellər qrupunda mütəxəssisləri tərəfindən qiymətləndirilib və tələbələrə qeyd olunan sahələr üzrə iş təklifləri edilib. Tədris ilinin sonunda 30 nəfər tələbə həmin hotellərdə işlə təmin olunublar. Yekun qiymətləndirmədə tələbələrin nəzəri bilikləri ilə yanaşı proqram müddətində əldə etdikləri praktiki bacarıqlar da yoxlanılıb.Tələbələr suallara uyğun bacarıqlarını nümayiş etdirərək, milli və dünya mətbəxinə aid müxtəlif təamlar hazırlayıblar.