“Üzümçülük və şərab ustası” tələbələrinin iş əsaslı təlimi tamamlanmışdır.

“Bacarıqlı Ol” layihəsində tamamlanmış tədris ili ərzində dəyərli tərəfdaşlarımızdan biri “Aspi Agro” MMC “Savalan” üzüm emalı zavodu olmuşdur.

“Aspi Agro” MMC ilə Qəbələ Dövlət Peşə Təhsil Mərkəzi arasındakı əməkdaşlıq çox səmərəli şəkildə nəticələnmişdir. Belə ki, peşə təhsili mərkəzinin “Üzümçülük və şərab ustası” ixtisasının tələbələri üçün üzüm emalı zavodu tərəfindən ayrılmış və məktəb tərəfindən becərilmiş təsərrüfat sahəsindən yığılmış məhsuldan 2 növdə şərab hazırlanmışdır. Bunlar “Verdejo” Ağ turş və “SYRAH” Qırmızı turş şərab növləridir.

İyulun əvvəlində keçirilmiş “Bir Peşənin Sirri” Festivalında “Bacarıqlı Ol” layihəsinin dəstəyi ilə istehsal edilmiş və Qəbələ Dövlət Peşə Təhsil Mərkəzi tələbələrin zəhmətinin təzahürü olan “SAVALAN” şərabları nümayiş etdirilmiş və dequstasiyası aparılmışdır.